Gaur irekiko dute berriro, Hernaniko Gaztelekua. Baina ez da izango orain arteko berbera, lokalari dagokionez: urtarrilean zehar egin dituzten obrak bukatuta, aurrenekoz ezagutuko dute Gazteleku berritua gaur, herriko gazte eta nerabeek.
Eta itxuraberrituta ekingo dio Gaztelekuak, bihartik, otsaileko egitarauari. Herriko hainbat tokitan egin dituzte jarduerak, urtarrilean, obrak bukatu bitartean; baina otsaileko egitarauari ekitearekin batera, lokalera bueltatuko dira, beti bezain programa zabalarekin. Horrela, mandalak egiten ariko dira bihar, eta sukaldaritza tailerra izango dute etzi: brownieak egiten ikasiko dute.
Inauteriak ezingo dira ohiko moduan ospatu aurten, baina horiei ere egingo die tartea Gaztelekuak, hilabete honetan. Mozorroak prestatu eta lokala dekoratuko dute datorren astean, astearte eta asteazkenean; eta mozorroen eguna ospatuko dute, ostiralean, inauteriak gogora ekartzeko.
Hilaren bukaera aldera, berriz, upcycling delakoari egingo diote tartea: birziklatze kreatiboari, alegia. Upcycling plantilla sortuko dute otsailaren 23an, eta upcycling tailerra egingo dute 26an eta 27an.
OTSAILEKO EGITARAUA
3 Gaztelekuaren irekiera
4 Mandalak
5 Sukaldaritza: brownieak
6 Filma, Gaztelekuan
7 Alokairu zerbitzua
9-10 Gaztelekua dekoratu eta mozorroak prestatu (Inauteriak)
11 Zu protagonista!
12 Mozorro eguna: Inauteriak
16 Topagunea
17-18 Mahai jolasak
19 Futbolin txapelketa
20 Ekintza sorpresa
21 Topagunea
23 Upcycling plantilla
24 Ping-pong txapelketa
25 Topagunea
26-27 Upcycling tailerra
28 Alokairu zerbitzua