Gaur, 'Las mil y una' filma Biterin

Astelehenero moduan, ikuslearen eguna da gaur, Biteriko zinean. Las mil y una pelikula proiektatuko dute arratsaldeko 16:30etan eta sarrera 2,5 euroan egongo da salgai leihatilan. Helduentzako filmak Iris gaztearen istorioa kontatzen du. 17 urteko neska eskolatik bota dute eta, beraz, egun eta gau beroak bere bi lagun onenekin, lehengusinekin, gela estuetan ematen ditu, bere telefono mugikorrarekin jolasean edo hiriko kale hutsetan. Irisi eta Renatari, beste protagonistari, gertatzen zaizkien kontakizunak deskribatzen ditu filmak, eta gaztarora bueltatzeko aukera paregabea eskaintzen du.