Etxerat eta Sare elkarteek elkarlanean antolatu dute gaur burutzen den presoen eskubideen aldeko elkarretaratzea. 19:00etan Gudarien plazan egingo dute kontzentrazioa eta hernaniar guztiak bertaratzera gonbidatzen dituzte. «Gure herriaren, Hernaniren, elkarbizitzan aurrera egiteko behar-beharrezkoa dugu hainbat egoera anakronikorekin amaitzea, hala nola, isolamendu eta bakartze egoerekin amaitzea, gaixotasun larriak dituzten presoak kaleratzea, 65 urtetik gorako eta ¾ beteak dituztenak kaleratzea, lehen graduarekin amaitzea eta nola ez dispertsioarekin behin betirako bukatzea».