Hernaniko Gaztelekuan eraberritze lanak egiten ari dira oraindik eta horregatik lokala itxita dago egun hauetan. Hala ere, horrek ez ditu ekintzak bertan behera utzi eta honela, gaur 17:00etan merienda osasungarria egingo dute Biterin kultur etxean. Leku eta ordu berean antolatu dira bihar mahai jolasak. Ostegunean, hilak 21, Plaza Feministan otsaileko agenda osatuko dute eta ostiralean eta larunbatean zabalduko dituzte berriz ateak Gazteleku eraberrituan.