Zuzeneko hitzaldi mordoa ditu otsailerako, KZguneak

Argitara atera du jadanik KZguneak otsaileko zuzeneko hitzaldien egitaraua. Hitzaldi hauek, Youtubeko KZguneaTIC kanalaren bidez emititzen dituzte. Ginera KZgunekoek azaldu dute IKTei buruzko hitzaldi berriak eskainiko dituztela, euskeraz zein gaztelaniaz. Eta saio hauek, 30 minutuko iraupena izango dute.
Hau guztia kontutan izanik, antolatzaileek zuzeneko hitzaldietara joateko interesa duen oro animatu nahi izan dute, «interesa duten pertsonek interneterako konexioa baino ez dute behar, Youtubeko ekitaldirako sarrera librea baita». Horrez gain, azaldu dute ez dela beharrezkoa aldez aurretik izena ematea, egunean bertan konektatuz nahikoa izango da. 
Hitzaldia ematen den egun eta orduan ezin duenarentzat ere, irtenbidea dago. Izan ere, hitzaldi guztiak, Youtubeko KZgunearen kanalean gelditzen dira grabatuta, eta honek aukera ematen du geroratuta ikusteko. 
Zuzeneko ikastaroez gain, urrunekoak ere eskaintzen ditu KZguneak, eta honetan oinarritzen dira: «urrunetik eta zure erritmora egiteko ikastaroak, gure hezitzaileek online emandako laguntzarekin. Internet erabiltzen jakinda IKTak sakonago ezagutu nahi dituzten erabiltzaileentzat».

Zuzenekoak, hila amaitzeko
Bihar, goizeko 11:00etan, Bideokonferentzietarako aplikazioak hitzaldia ikusteko aukera egongo da, gaztelaniaz. Euskeraz ikusi nahi duenak, saio berdina eskainiko da ostegun honetan, goizeko 11:00etan hasita. Hemen ikusi daitezke, zuzenekoak: https://www.kzgunea.eus/eu/kzguneko-zuzeneko-hitzaldiak