Atzo partiduz betetako eguna izan zen hernaniarrentzat. Izan ere, gabonetako oporrak amaitu ostean eta 2020garren urteari hasiera emateko errugbiko ligak martxan dira jadanik, eta Hernanik, ederki hasi du urtea.
Atzo arratsaldeko 16:30etan, herriko talde trikoloreak Belenos RC talde asturiarraren aurka jokatu zuen Muro de Zaro zelaiean (Aviles), eta 09-15 markagailuarekin garaipena lortu zuen Hernanik. Lehen zatia 03-15 amaitu zuten, Hernani garaile joanik, eta bigarren zatian ere nagusitu egin zen talde trikolorea, 09-15 lortu arte.
Gernika aurkari, 23an
Hurrengo asteburuan jakingo da nork lortuko duen lidertza, izan ere, Gernikaren aurka jokatuko du Hernanik datorren larunbatean, etxean. Oso garrantzitsua izango da partidu hau, beraz dena eman beharko dute hernaniarrek.