Gaur odola emateko aukera izango dute hernaniarrek, hilabetero bezala, Goiz Eguzkin. Izatez urtarrilaren 5ean behar zuen, aurreneko asteartean; baina Gabonak tarteko, atzeratu egin zuten. Horrela, gaur jarri dute hitzordua, arratsaldeko 16:30etatik 20:30etara. Edonola ere, aurrekoetan bezala, aurrez hitzordua eskatu behar da, gaur goizean zehar, 943 00 78 85 telefono zenbakira deituta.