Urtarrilaren 7a arte oporretan egongo dira Hernaniko Gaztelekuan eta jarraian, urtarrila erdialdean zehar, 7tik 21era bitarte, Gaztelekuko lokala itxita egongo da. Egun horietan zehar Gaztelekua eraberritzeko zenbait obra egingo dira lokalean: paretak konpondu eta margotu, pertsianak eta leihoak aldatu, altzari berriak jarri...
Horrek ez du esan nahi zerbitzurik egongo ez denik. Egun horietan zerbitzuak martxan jarraituko du eta horretarako Biteri, Kiroldegia eta Plaza Feminista erabiliko dituzte. Lokala urtarrilaren 22an berriz erabili ahal izango dute herriko gazteek. Bestetik, Gaztelekua espazio segurua dela ere gogorazi nahi dute, aldi berean 13 gazteko aforoa dute eta segurtasun neurriak hartzen dituzte
Urtarrilean burutuko dituzten ekintzak
Urtarrilaren 7an Topagunea dute Biterin eta 8an, ostiralean, urtarrilak 8, txapa tailerra edukiko dute, Biterin, 16:30etatik aurrera. Hori izango da zerrenda luze bateko lehenengoa. Jolasak kiroldegian, iman tailerra, giltzarri tailerra, badmintona, Santa Barbarara irteeta, merienda osasungarria, mahai jolasak, Zu protagonista, wii, bideojolasa, futbolin txapelketa, alokairu zerbitzua... denetarik egongo da eta gogoratu Gaztelekuko espazio berrituaren irekiera eta ezagutzeko egunak urtarrilaren 22a eta 23a direla.