Auzitegi Gorenak ez du onartzen doktrina bateratzeko Hernaniko Krosaki Amr Refractarios SAk Euskal Autonomia Erkidegoko Auzitegi Nagusiaren 2017ko ekaineko epaiaren aurka aurkeztutako kasazio-errekurtsoa. Epai horren bidez, enpresa kondenatzen zen 168.759,63 euro gehi interesak ordaintzera minbizi profesionalaren ondorioz hildako langile baten familiari, eta errekurritutako epaia irmo deklaratzen du. Mohamed Bak 1977tik 1990era bitartean lan egin zuen Amr Refractarios Arístegui fabrika zaharrean, biriketako enfisema batek jota gaixotasun arruntak eragindako ezintasun iraunkor osoa eman zitzaion arte, eta 2014ko urrian hil zen.