Gabonak direla eta, Kronikako lantaldeak lehiaketa bat jarri zuen martxan. Helburua zen birziklatutako materialarekin eta etxeko jantzi edo trapu zaharrekin egindako Olentzero edo Mari Domingiren panpinak egitea. Irudi ederrak jaso genituen, eta zaila izan da originalena aukeratzea. Hori esanda, Nekane Idarreta Mendiolak egindako eskulanak eraman du saria. Argazkian ikus daitekeen moduan, sandiarekin egin ditu buruak, eta Mari Domingiren kasuan, buztinez egindako pitxer polit batekin irudikatu du gorputza. Beraz, zorionak Nekane!
