Urte konplikatu hau amaitzeko dokumental labur bat egin du Nabarraldek, Lizarrateko parajean dagoen haitz azpiko pasabideari buruz hain zuzen ere. Bihar, abenduaren 29an, arratsaldeko 19:00etan Biteriko ikastaro gelan aurkeztuko da. Sandrati, San Adriango tunela, Lizarrateko haitzpeko pasabidea bezala ere ezaguna. «Ehunka istorio txikien igaroleku izan da, baina, baita gure herriaren historian gertaera lazgarrien oroimen lekua ere. 1200eko konkista, gaizkileen mugaren liskar eskenarioa... besteak beste».