Gabonak «euskeraz eta familian» pasatzeko asmoz, hainbat ekintza antolatu ditu Dobera Euskara Elkarteak. Eta gaur bertan, Ezkutuko altxorraren bila jolasarekin ariko dira. Atsegindegin jarri dute hitzordua, goizeko 10:30etan, eta herrian barrena ibiliko dira, pistak jarraituz, Hernaniko txoko ezberdinak ezagutu eta altxorra bilatzeko.
Parte hartzeko, aldez aurretik eman behar zen izena, eta 10 talde ariko dira gehienez.
Datorren larunbatean egingo dute bigarren saio bat, urtarrilaren 2an, ordu berean. Eta horretarako, oraindik eman daiteke izena, asteazkenera arte: elkartearen bulegoan (Larramendi kalea 11), dobera@dobera.eus helbidean, edo 943 33 27 99 eta 662 406 692 telefonoetan. Parte hartu dezakete adin guztietako herritarrek: lagunak, familiak...