Hizkuntza-ohiturak aldatzeko ariketa soziala azaroaren 20an hasi zen eta ostiralean amaitu zen. Hernanin amaiera borobila eman zioten, Oihan Vegaren Euskañolitis bakarrizketarekin. Umorea eta sarkasmoa nahastu zituen monologoan, eta barre-algara artean eman zioten amaiera Euskaraldiari. Gitarra eskuetan hartuta, ikusleen parte hartzea bilatu zuen Vegak, eta ez zuen inor axolagabe utzi.