Bakarkako dantza garaikidea eskainiko du Elirale konpainiak, abenduaren 12an, etxeko txikientzat. Bi saio eskainiko dira, bata 11:00etan hasiko da, eta bigarrena berriz, hau amaitzean, 12:00ak aldera.
Sarrerak eskuragai daude jadanik Biterin. O! Haur antzerkia, hiru urtetik gorako haurrentzat zuzenduta dago, eta 30 minutuko iraupena du. Sarrera bakoitzak, 3 euro balio ditu.
Koreografia sortzailea, Pantxika Telleria izan da, dantzari musikaria berriz, Oihan Indart eta musika, Thierry Biscary.
Dantza garaikidea, O! Haur antzerkian
Dantza garaikideaz gozatzeko aukera ematen du haur antzerki honek. Dantzariak kantatu eta musika jotzen duelarik. Mugimendua, itzalak eta argiak erabilita, dantzara hurbildu eta dastatzeko aukera izango dute haurrek.
Espazioa zirkularra da; kupula puzgarri batek aterpetuko ditu haur eta gurasoak, lotura kolektiboa lortzeko asmoz.