Errugbi taldeak badu 2020-2021 denboraldirako babeslea: Kursaal taldeko Kursaal Rehabilitaciones enpresa gipuzkoarra. Hernanin du egoitza eta eraikinen birgaitze sektorean erreferentea da. Azaldu dutenez, kolaborazio-akordio honekin, bertako kirolarekin duen apustua «sendotu» nahi izan dute.
Akordioa sinatzeagatik, Joxe Gurutz Elosegi, Hernani Errugbi Klubeko lehendakaria oso eskertuta agertu da Kursaal Rehabilitaciones enpresak azaldutako babesagatik eta tratuagatik. Bere aldetik, Josu Hernandez Kursaaleko kudeatzaileak, poztasuna agertu du «balore sozial haundiko kirol proiektu bati laguntzeko gai izateagatik, ekimen hauek inguruko proiektu horietan egoteko modu bat dela eta etorkizuneko proiekzio haundia dutela ulertuz, Hernaniko gizarteari maila berean itzuli nahi diogu arlo profesionalean hazten utzi digun aukeragatik gure mugetatik kanpo nabarmendu ahal izateko».