2020-2021 denboraldian Hernaniko kiroldegian ez da boleibol partidurik jokatu, baina bihar bai. Hernaniko mutilek Euskal Ligako jardunaldi berri bat jokatuko dute, 11:00etan hasita. Aurkaria gipuzkoarra izango da, Aretxabaletako Arizmendi taldea.
Ligako zazpigarren jardunaldia da eta oraingoz ezin izango da ikuslerik gerturatu kiroldegira. «Espero dezagun epe laburrean egoera aldatzea eta pandemiak atsedena ematea, ahal den neurrian normaltasunera itzultzeko» diote taldeko arduradunek.
Bisitaria talde berria da mailan, beraz etxekoek ezin dute barkatu eta pasaden igandeko jokoa egiten badute, garaipena hurbil izango dute. Hernaniarrak dira faboritoak
Hernaniarrek une honetan sailkapeneko laugarren postuan daude kokatuta, baina gora egin behar dute eta aurten hiru lehenengoen artean sartzeko aukera dute.