Buruntzaldeako Gazte Koordinadora Sozialistako kideek gaur, bihar eta etzi larunbatean, Andoainen eta Hernanin jardunaldi politikoak eramango dituzte aurrera. Azaldu zutenez, jardunaldien helburuak dira «gaur egun garatzen ari diren kontrol mekanismo berrien eta askatasunen urraketen inguruko hausnarketa politikoak plazaratzea eta horiek egungo testuinguruan betetzen dituzten funtzioak azaleratzea».
Antolatutako jardunaldien baitan, hainbat gai jorratuko dituzte saio bakoitzean. Lehen jardunaldia gaur izango da Andoaingo Gaztetxean, 18:30etan.
Bigarrena bihar Atsegindegin, 18:30etan eramango da aurrera. Eta azkena etzi izango da, Atsegindegin, arratsaldeko 16:30etan. Ondoren, 18:30etan kontzentrazioa egingo da Plazan, Burgesiaren diktadura zuzena gelditu lelopean. «Bide horretan, gazte langileen kriminalizazioaz, jazarpen polizialaz, kontrol sozialaren zentzu politikoaz eta askatasun politikoez» jardungo dira egun horietan, besteak beste, eztabaidarako eta hausnarketarako gakoak emateko helburuarekin.