Ruth Martin hernaniarra hil zen atzo 51 urte zituela. 2019an Hernaniko Txistulari Bandako zuzendari izendatu zuten. Oraindela 41 urte hasi zen musika munduan, ez zegoen musika eskolarik Hernanin, eta instrumentu bat jotzen ikasteko bi aukera besterik ez zeuden: txistua edo akordeoia. Martin bi instrumentuak ikasten hasi zen, baina urteek aurrera egin ahala, txistua jotzen ibiltzeak konpromisoak ekartzen zituela kontuan hartuta (kalejirak, erregeak), akordeoia alde batera utzi eta txistuarekin jarraitu zuen.
Preludioan koordinatzaile lanetan aritzen zen, koreografiari lotuta. Musikaz gain arte eszenikoak ziren bere beste pasioa. Beste hainbat taldetan ere ibilbide luzea zuen, Ttarla Dantza Taldearekin lotura haundia zuen besteak beste.
Heriotza
Ruth Martin txistulari bandako zuzendaria hil da
Herriko elkarte desberdinetan parte hartzen zuen eta Preludioan ere koordinatzaile lanak egiten zituen.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!