Sahara herriarekiko elkartasuna adierazteko kontzentrazioa izango da gaur Plaza Berrin, arratsaldeko 19:30etan. Fronte Polisarioak salatu du Marokoko Indar Armatuek Mendebaldeko Saharan 1991tik indarrean dagoen su-eten akordioa apurtu dutela, eta gerra egoera ezarri du. Horregatik, herri sahararrarekiko eta haren legezko ordezkari den Fronte Polisarioarekiko elkartasuna adierazteko deialdia luzatu da, gaur arratsalderako.