Azaroko kultur programazioaren baitan antzerkia eta musika emanaldiak antolatu dira datozen asteetarako. Azaroaren 21ean, datorren larunbatean, Gizon zoriontsuaren alkandora haur antzerkia izango da Biterin, goizeko 12:00etan. Euskerazko emanaldia izango da eta 7 urtetik gorako umeei dago zuzenduta. Sarrerak bihartik aurrera 3 euroan eskuratu ahal izango dira, Biterin bertan. Ainara Unanue eta Aitor de Kintana dira antzezleak eta ordubeteko iraupena izango du larunbateko obrak.
Musika emanaldia izango da Biterin, azaroaren 26an
Biterin egingo den kultur agendako hurrengo emanaldia azaroaren 26an izango da, arratsaldeko 19:00etan. Idoia Asurmendi eta Beste urtaroak taldearen musika emanaldia izango da, eta. Sarrera doakoa da, baina aldez aurretik izena eman behar da https://www.hernani.eus/eu/-/musika-oreka-1 helbidean dagoen estekan.
Emanaldi horretan musikari asko izango dira oholtza gainean. Idoia Asurmendi orain dela urte batzuk hasi zen bakarlari gisa kantatzen, euskal kantuen zein kanpoko pop-rock eta soul estiloko kantuen bertsioak eginez. Proiektu berri honetan, poesia, ilustrazioa eta animazioaren arteko fusioa egitea du helburu, eta Maria Osesen poesiak uztartzen ditu. Idoia Asurmendi ahotsa eta pianoa izango da, Oriol Flores perkusioan izango da, Julen Barandiaran baxu elektrikoan eta Andoni Garcia, berriz, gitarran.
Beste urtaroak taldean, aldiz, aski ezagunak diren musikariek jarriko diote doinua ostegun arratsaldeari: Iker Lauroba, Leire Letu, Olaia Inziarte, Urbil Artola, Maria Soriazu eta Andoni Etxebeste.