Euskal Herrian, erreferendumaren aldeko sinadura bilketa antolatu, saretu eta bultzatu nahian dabiltza, Gure Esku eta beste hainbat eragile, Hamaika Gara egitasmoaren baitan; eta asmo horrekin, batzar irekia deitu du gaur goizerako, Hernaniko Gure Esku taldeak. Biterin izango da, areto nagusian, 11:00etan hasita; eta ordu eta erdiko saioa egingo dute, 12:30ak arte.
Hernaniko herritar eta eragile guztiak gonbidatu dituzte, batzar irekian parte hartzera. Aforoa mugatua denez, 110 lagunentzako izango da tokia, eta bertan parte hartzeko, derrigorrezkoa izango da musukoa jantzita eramatea.
Hamaika Gara ekimenaren helburua da, erakustea erreferenduma tresna demokratikoa dela; eta «denon artean gauzatzea», aurreratu dutenez.