Aurreko astean aurkeztu zuen Hernaniko Gure Eskuk, Hamaika Gara ekimen berria. Horren baitan, sinadura bilketa jarriko dute martxan, erreferendumaren alde. Izan ere, ekimenaren helburua da, erakustea tresna demokratikoa dela erreferenduma, eta denen artean gauzatzea.
Eta sinadura bilketa «antolatu, saretu eta bultzada eman nahi horretan», batzar irekia deitu du Hernaniko Gure Eskuk, bihar goizerako. Biterin egingo dute, 11:00etatik 12:30etara, areto nagusian; eta Hernaniko herritar eta eragile guztiei luzatu diete gonbitea, bertaratu eta saioan parte hartzeko.
Aretoko aforoa, hori bai, mugatua izango: 110 lagunentzako egongo da tokia, eta derrigorrezkoa izango da, musukoa jantzita eramatea, uneoro.