Egitasmo berria prestatu dute Dobera Euskara Elkarteak eta Hernaniko Udal Liburutegiak, Irakurketa erraza, euskeraren erabilera sustatu eta irakurketa ulermen arazoak dituztenei irakurketa eta informazioa hurbiltzeko. Joan den ostegunean zen martxan jartzekoa, baina astebete atzeratu dute hasiera, eta datorren ostegunean ekingo diote, hilaren 12an. Ordubeteko saioak izango dira, 18:30etan hasita, Biteri kultur etxean.
Helduei zuzenduta dago, eta talde txikitan elkartuko dira, idazkera ulerterraza duten liburuen irakurketa konpartitu, eta horien inguruko solasaldia egiteko. Parte hartu nahi dutenek, izena eman dezakete, 943 33 27 99 telefonoan, edo dobera@dobera.eus helbide elektronikoan.
Doberaren Gabonetako loteria, dagoeneko salgai
Bestalde, dagoeneko salgai jarri du Dobera Euskara Elkarteak, urtero bezala, Gabonetako loteria. 66149 da aurtengo zenbakia, eta eskuragarri dago Doberaren bulegoan (Larramendi kalea 11), eta ohiko dendetan. Ohi bezala, 5 euroko partizipazioak dira: 4 euro jokatu, eta euro bat elkarteari laguntzeko.