Pandemia egoera dela eta bertan behera gelditu dira ekimen ugari. Edonola ere, Zelabideko bizilagunei ez die galarazi buruhaundien tailerra egitea. Auzo elkarteak antolatu zuen ikastaroa, eta haur zein helduek hartu zuten parte. Mota guztietako buruhaundiak sortu zituzten, eta kolorea eman zioten bizi dugun bolada konplikatu honi.
Ezarritako segurtasun distantziak errespetatu zituzten eta prebentzio neurriak bete zituzten. Horrela, goiz ederra pasa zuten bizilagunek Gabriel Zelaian eginiko tailerrean. Auzo elkarteak eskerrak eman nahi izan dizkie bertaratu ziren bizilagun guztiei: «eskerrak eman nahi ditugu gugana gerturatu ziren bizilagunei».