Gaur arratsaldeko 19:30etan, Mendizale Asteko bigarren saioa eskainiko da, Biterin. Raúl Díaz izango da oholtza gainean, eta Nepalen bizikletarekin egindako ibilbide eta abenturak ekarriko ditu, Biteriko pantailara.
Eskalada jasangarriari buruz, bihar
Bihar, Gipuzkoako Mendizale Federazioko ordezkariak etorriko dira, Eskalada jasangarria Gipuzkoan gaia lantzeko asmoz. Eta etzi, Angel Beldak, Dolomitak-Stelvio parke naturala gaia landuko du.
Ostiralean berriz, Mendizale Astearekin amaitzeko, bi saio eskainiko dira. Lehena gazteei zuzendutakoa izango da, 18:00etan hasita. Gaztetxoentzako irteerak ikusiko dira, eta ondoren dominak banatuko dituzte.
Jarraian, XLI. Argazki Lehiaketaren sari banaketa egingo da. Ondoren, elkarteak urtean zehar egindako jardueren irudiak proiektatuko ditu, Biteriko pantailan.
Oharra Mendiriz Mendik, herritarrei
Proiekzio guztiak arratsaldeko 19:30etan izango direla jakinarazi dute, eta denak aipatu moduan Biterin egingo dira. Gaztetxoen saioa, 18:00etan izango da