Egitarau konpletoa prestatu du Hernaniko Gaztelekuak, beste hilabete batez. Eta askotariko planak proposatu ditu, 12-17 urte bitarteko nerabeentzat, azarorako. Gaur bertan ekingo diote egitarau bereziari, azkenaldian oso modan dagoen sare sozial batekin: Tik Tok egiten ariko dira.
Aste honetan ekingo diote Gaztelekuko bloga osatzeari ere, eta Saretxoko mini-golfera irteera egingo dute larunbatean.
Ekintza berezi gehiago izango dituzte, hilabete honetan. Azaroaren 11n eta 12an, adibidez, serigrafiatzeko irudia proposatuko dute, eta 21ean egingo dute serigrafia tailerra. 22an, berriz, Beldur Barik lehiaketaren sari banaketa egingo dute streaming bidez, Gaztelekuan.
Eta azaroaren 28an, azkenik, Street Scape Room egingo dute Donostian. Urrian ziren egitekoak, baina atzeratu egin zuten azkenean. Zabalik dago izenemate epea, parte hartu nahi duten nerabeentzat: hgaztelekua@gmail.com, 943 33 32 12, edo 688 823 420 WhatsAppean.
AZAROKO EGITARAUA
3, Tik Tok
4, Topagunea
5 eta 6, Zu protagonista! Gaztelekuko bloga osatzen hasiko dira.
7, Saretxoko mini-golfera irteera
8, Topagunea
10, Merienda osasungarria
11 eta 12, Serigrafiatzeko irudiaren proposamena
13, Topagunea
14, Ping pong txapelketa
15, Alokairu zerbitzua
17, Wii bideojokoa
18, Topagunea
19, Zu protagonista! Gaztelekuko bloga osatzen jarraituko dute.
20, Zeintzuk dira zure eskubideak?
21, Serigrafia tailerra
22, Beldur Barik lehiaketaren sari banaketa streaming bidez, Gaztelekuan.
24, Sukaldaritza
25, Txapa feministak
26, Sorpresa
27, Topagunea
28, Street Scape Room
29, Alokairu zerbitzua