Duela hiru urte berritu zuen Kaxko Elkarteak gaztain postua, egurrezko etxola berri bat eraikiz.
Pandemia egoeran bagaude ere, gaztain postua irekita dago duela bi astetik. Ohiko tokian, Plaza Berrin, Kale Nagusira ematen duen aldean.
Orain urte batzuk jarri zuten, gaztain postu tradizionalak ez galtzeko helburuarekin, Plaza Berriko egurrezko etxola. Baina gaztainak saltzeko bakarrik ez, beste zeregin baterako ere baliatu dute txokoa, liburuak eta aldizkariak trukatzeko gunea hain zuzen. Hala ere, urte honetan, ez da liburu txokorik egon, osasun alarma dela medio. Baina gaztain postua badago. Prebentzio eta segurtasun neurriak hartuko dituztela ere azaldu dute Kaxko Elkarteko kideek, «ilaran segurtasun distantzia mantenduko da» azalduz.