Pasa den urriaren 26an, Eusko Jaurlaritzak argitaratutako dekretuan, ordura arte indarrean zeuden irizpide batzuk aldatu zituen, Horrek, jarduera fisikoa eta kirol saileko zerbitzuetan zenbait berritasun ekarri dituela azaldu du Udalak. eta horren ondorioz, aurretik bertan behera utzitako zerbitzu batzuk berreskuratuko dira gaurtik aurrera.
Kiroldegiko neurriak
Orain arte, kiroldegian antolatutako kirol-ikastaro guztiak, mantenduko dira, eta gaur jarriko dira martxan. Aretoaren edukiera %50era mugatuko da. Jarduera geletan, bi edo hiru eremu markatuko dira, eta «ikastaroetako ikasleek eremu berean jarri beharko dute beti, gehienez 6 pertsona egongo dira eta ezingo dute elkarrekin jardun». Igerilekuko ikastaroetan, ikasleak gehienez sei pertsonakoak izango dira.
Orokorrean musukoaren erabilera «derrigorrezkoa izango da». Horrez gain, aldagelak ez erabiltzeko gomendioa luzatu du Udalak, eta ezarritako edukiera errespetatzea ere eskatu da.
Biteriko ikastaroak, gaurtik martxan
Biterin ematen diren ikastaroak, hau da, dantza, taichi eta yoga, neurri berrietara egokitu behar izan dira. Hala ere, gaurtik aurrera jarriko dira aipatutako ikastaroak martxan, herritarrentzat.