Hernanik, Ohorezko Mailan aritzeko kanporaketa jokatzea erabaki zuen, duela egun gutxi. Eta jakinarazi dute klubetik, «jokalariengan eta elkarte guztia inguratzen duen alderdietan pentsatuta» hartu zela kanporaketa jokatzearen erabaki garrantzitsu hau.
Hori horrela, bihar, Madrilen jokatuko du talde trikoloreak, Villanueva de la Cañadan. Eguerdiko 14:00etan hasiko da partidua, eta Les Abelles talde balentziarra izango dute aurkari. Gainera, aurreko denboraldiko Ohorezko B mailako B taldeko irabazleak izanik, Hernanik gogor egin beharko du, Ohorezko Mailara igotzeko postua eskuratzeko. Saria garrantzitsua da, izan ere, irabaziz gero, bi aste barru, berriro ere maila gorenean jokatuko baitute Hernaniko gazteek, beste behin.