Hernani Club Rugby Elkarteak Ohorezko Mailan aritzeko kanporaketa jokatzea erabaki du. Klubean, jokalariengan eta oro har elkarte guztia inguratzen duen alderdietan pentsatuta hartutako erabakia izan da.
Ohorezko Mailara itzultzeko partida igande honetan jokatuko da Zaragozan, Les Abelles talde balentziarraren aurka. Aurreko denboraldiko Ohorezko B Mailako B taldeko irabazleak dira eta lehia polita espero da iganderako. Saria handia da, eta irabaziz gero, bi aste barru berriro ere maila gorenean ekingo lioke Hernanik.