Hernaniko Sarek datorren hilean, azaroan, Emakumea eta espetxea izenburupean dinamika edo ziklo bat martxan jarriko du.
Ziklo horretan, izenak dioena landuko dute, hau da, Hernaniko preso politikoen gaia emakume presoaren ikuspegitik.
Hitzaldia azaroaren 20an
Horretarako, hainbat dinamika prestatzen ari dira, hala nola, azaroaren 20rako hitzaldi bat dago aurreikusita Biteri kultur etxean.
Bestetik Koordinadora feministarekin elkarlanean, informazio banaketa, presoek egindako idatziak plazaratu, murala egin eta beste hainbat ekintza egingo dira azaroan zehar. Hernaniko bi emakume presoei, Ainhoa eta Itxaso, elkarrizketa bana egitea ere aurreikusten du Sarek.