Partidu asko jokatu dituzte asteburu honetan, Urumea bailarako palistek, bereziki Hernaniko kiroldegiko frontoian; eta irabazi ere, asko irabazi dituzte. Baina ez, hala ere, nagusien mailan: asteburu zaila izan dute, eta jokatutako lau partiduetatik hiru galdu dituzte.
Haien artean, Balerdik eta Otaegik lortu dute garaipen bakarra, Atauni 30-23 irabazita, neska nagusien bigarren mailan. Lehenengo mailan, porrota jaso zuten Eizmendik eta Urdangarinek, Su Berriren kontra (19-30); eta bertan behera geratu zen Irazustabarrena eta Arrietarena, COVID-19 kontuak tarteko. Mutiletan, berriz, galdu egin zuten Lujanbiok, Ramosek eta Zubimendik, lehenengo mailan, Altzatarraren kontra (7-25); eta Zurutuzak, Arandiak, Agirrek eta Manterolak osatzen duten taldeak, bigarren mailan, Atxurbideren kontra (13-25).
Neska jubeniletan, berriz, bi derbi jokatu dituzte asteburuan. Batetik, elkarren kontra aritu dira bi bikote hernaniar: Tolaretxipik eta Barrenetxeak 30-5 irabazi zieten, Arruti eta Martinezi. Eta bestetik, Iriondo eta Miner hernaniarrak 30-13 nagusitu ziren, Arraras eta Zugasti astigartarren kontra. Beste partidu bat ere izan zen, kategoria horretan: Kerejeta eta Macicior hernaniarrek, erraz irabazi zuten kiroldegiko frontoian, Intxurreren kontra (30-3).