Gaur izango da epaiketa, Felipe D.M. zenaren senideek eskatzen duten 175.876,21 euroko kalte-ordainaren inguruan. 11:15etan hasiko da epaiketa, Donostiako Epaitegi Sozialean. Orbegozon egin zuen lan, eta 2018ko azaroan hil zen, amiantoak sortutako biriketako gaitzarengatik. Horregatik, elkarretaratzea deitu du Asviamiek, Euskadiko Amiantoaren Biktimen Elkarteak, epaiketa hasi baino ordu erdi lehenago, epaitegiaren aurrean, familiari babesa azaltzeko.
Cofivacasa eta Sidenorri erreklamatzen diete kalte-ordaina. Beraien esanetan, «enpresak ez zuen bete indarrean dagoen segurtasun eta higiene araudia, eta horrek sortu zuen Felipe D.M.ren gaixotasuna, eta heriotza goiztiarra». Felipe D.M. 1968garren urtean hasi zen lanean Orbegozon, eta bertako langilea izan zen, 1992garren urtera arte. Asviamiek komunikatu duenez, 2019an OSALANek jakitera eman zuen hildakoak amiantoa arnasteko arriskua izan zuela, lanean zegoen bitartean. Hori bera da, diote, heriotzaren arrazoia, eta horregatik izango da epaiketa gaur, kalte-ordainak eskatzeko.