Bihar egingo du hurrengo saioa Emakumeen euskal literatura ikuspegi feministatik mintegiak, Kattalin Minerrek gidatuta. Biterin izango da, 19:00etan hasita; eta oraingoan, Katixa Agirreren Atertu arte itxaron liburuari buruz ariko dira. Euskal Herrian barrena, road movie bat egiteko asmotan den bikote bat da protagonista, eta egindako ibilbidea kontatzen du liburuak; baina baita maitasun istorio bat ere, 1976ko Gasteizko langile protestetan sortu, eta Espainiako kartzeletan jarraitu zuena.