Bihar jarriko du abian Nagore Legarreta argazkilari hernaniarrak, internet bidez, Lightroom eta Photoshop ikastaroa, ostegunetan 17:30etatik 19:30etara eskainiko duena; eta hilaren 20an hasiko du Recreo fotográfoco izenekoa, hamabostean behin asteartetan, 17:30-19:30 ordutegian. Biei buruzko informazio gehiago, emailez eskatu daiteke: nagore.legarreta@gmail.com.
Baina epe luzeko beste proiektu bat ere jarriko du martxan Legarretak urrian, Oiartzungo 100tze sormen espazioarekin elkarlanean: Gorputzen errebuelta. Hilaren 17ko iluntzean egingo dute aurreneko argazki saioa, basoan. Biluzik, emakumeen irudiak egingo ditu argazkilari hernaniarrak, bertan.