Koronabirusak eragindako pandemiak ondorio latzak utzi ditu ostalaritzako sektorean. Segurtasun eta higiene neurriak betetzeko asmotan eta egoerak hala behartuta, ostalariak «neurri murriztaileak betetzera behartu dituzte». Horregatik, azken honetan kalera atera dira, Eusko Jaurlaritzari «irtenbidea» eskatzeko.
Gaur protesta egingo dute Donostian, eta Berriak merkataritza elkarteak bat egingo du, «ostalaritza borrokan dagoela azpimarratzeko, eta irtenbideak behar dituztela jakinarazteko». Izan ere, pandemia hasi zenetik ostalaritza sektoreak zenbait erakundek ezarritako neurri murriztaileak jasaten ari dela diote, eta «ez dirudi epe motzera edo ertainera neurri horiek ezabatuko dituztenik».
Pasa den abuztuaren 17an ostalaritzaren sektoreari eragiten zioten neurri murriztaileak jarri ziren indarrean, eta aurretik ere beste hainbat zeuden ezarrita, tabernari eta ostalari guztiek hala betetzeko. «Neurri horien guztien aurrean, sektoreak gero eta askatasun gutxiago du lan egiteko, eta itolarria haundia izaten hasi da», adierazi dute Berriak elkartekoek.
Horregatik, gaur Donostian egingo dute protesta, lurraldeko ostalariek. Konstituzio Plazatik abiatuko da 19:30etan, eta Kursaalean amaituko da, «Zinemaldiarekin kointzidituz».