Javier Urrizak bere bederatzigarren finala jokatuko du larunbatean, eta Endika Urrutiarentzat lehenengoa izango da. Hala ere, aipatu du badakiela zer den finalak jokatzea, «eta horrek presioa hobeto eramaten laguntzen du». Norgehiagokarako materiala aukeratu zuten joan den asteazkenean, Galarretako frontoian. Urrizak 3 pilota bereizi zituen, 128 gramoko bi eta 126ko bat. Endikak, ordea, 128 gramoko 3 hautatu zituen.