Neska* Gazteen Topaketak antolatu dituzte biharko, Urumea Herrigunean. Goizean zehar izango dira, eta bertan parte hartzeko, beharrezkoa da izena ematea, «segurtasun neurriak betetzeko». Horretarako, emailez idatzi behar da, hernanikoneskagazteak@gmail.com helbidera. Informazio gehiago eskuratzeko ere, bertatik idatzi daiteke.
Goizeko 10:30etan egingo diete ongietorria partehartzaileei, Urumea Herrigunean bertan; eta 14:00ak aldera bukatuko dira topaketak. Tartean, «egoerara egokitutako ekintza ugari» izango dituzte; besteak beste, tribial feminista edota Harrotu eta Erein ekimena.