Erlojuaren aurkako probari gogoz ekin zioten 41 partaideek, joan den larunbatean. Batzuek taldearen babesean egin zuten eta besteek, ordea, bakarka. Giro bikaina izan zen, eta kaleak jendez bete ziren, txirrindulariak animatzeko. Elkartasun Pedalkaden bigarren edizio honetan, bakarkako lehian Mattin Sanzberro izan zen azkarrena; eta taldeka, Lander Ibarburu eta Bingen Erdoziak osatutako bikoteak irabazi zuen.