Auzotarrentzako plan ederra prestatu zuen Osiñagako Auzo Elkarteak, aurreko iganderako: bazkaria egin zuten Iparragirre sagardotegian, Bankako Menditarren musika eta kantuekin girotuta. Aurretik, gainera, aizkolariak eta bertsolariak izan zituzten, sagardotegiko kanpoaldean bertan. 60 lagun elkartu ziren, eta penaz geratu ziren, interesa zuten zenbait auzotarrek ezin izan zutelako sartu, aforo kontuagatik.