Gaur, Hernaniko Udaleko Jarduera Fisikoa eta Kirola Sailaren eskutik antolatutako irteera egingo da, herriko anfibio eta narrastiak ezagutzeko. Aranzadi Zientzia Elkarteko Iñaki Sanz-Azkue eta Egoitz Alkorta hernaniarren eskutik.
Goizeko 10:00etan hasiko dute irteera, Ekogunean. Hala ere, asmoa da bertara elkarrekin joatea, oinez. Eta horretarako, 09:00etan jarri dute hitzordua, kiroldegiko beheko sarreran, hain zuzen.
Hernaniko Udaleko Jarduera Fisiko eta Kirola Sailak jakinarazi du, «herritar guztientzako moduko irteera» dela, baina bereziki «familien eta gaztetxoen neurrira antolatuako irteera izango dela gaurkoa».