Urtebetean gauzak asko aldatzen dira. 2019ko irailaren bigarren larunbatean Endika Barrenetxeak buruz buruko txapela jantzi zuen lehenengo aldiz, javier Urriza 27-30 gainditu eta gero. Gaur berriz ere, iraileko bigarren larunbatean, Barrenetxea eta Urriza elkarren aurka ariko dira Kutxabank Torneoan, baina helburu oso desberdinekin. Urrizak finalerako txartela lortu nahi du eta Barrenetxeak ez du ezerez jokatzen.
Finalerdietako ligaxkaren seigarren eta azken jardunaldia jokatuko da. Atzelari hernaniarrak lehendabiziko bi partiduak galdu zituen Juanenea eta Endikaren kontra eta aukerarik gabe geratu zen gaurko partidua jokatu aurretik. Gogorra da txapeldun izan eta hortik urtebetera, faboritoetako bat izanda, dagoeneko kanpoan egotea, baina partiduari aurre egin behar zaio.
Barrenetxea txapelketako lehendabiziko garaipena lortzen saiatuko da. Ez da erraza izango, aurrean dagoen aurkaria hamarkadako erremontistarink hoberena eta nagusiena baita, Javier Urriza iruindarra. Gainera aurrelari nafarrak jokoan, zuzenean, finalerako sailkatzea baitu. Finalerdiak ziurtatuak ditu, baina finalera zuzenean sartzeko 17 tanto egin behar ditu derrigorrez. Ez da helburu zaila eta eskuan du Urriza, baina hala ere tantoak lortu behar ditu.
Barrenetxeak aurtengo txapelketan ez du azken urtean eman duen maila eman. Arantza atera nahiko du eta Urrizaren aurka hirugarren garaipena jarraian lortu. Pasa den urteko finalean eta Banakako Master txapelketaren finalean 30 tantora iritsi zen Barrenetxea, ezustekoa emanez eta bi txapela lortuz.
Urrizak maila bikaina erakusten ari da txapelketa guztian zehar eta zazpigarren txapela eskuratu nahi du.
Partiduan zuzenean streaming bidez YouTube-n
Lehenengo aldiz Oriamendik zuzenean eskainiko ditu banakako eta hirugarren partiduak. YouTube-ko Galarreta Jai Alai kanalean, https://www.youtube.com/channel/UCTld-rLHVCki29Lzmkyjwug, eskainiko da eta Oihane Mateos eta Gaztelu izango dira narratzaileak.