Koronabirusa dela eta bertan behera gelditu ziren San Joan Bataiatzailea parrokiko sakramentuak. «Normaltasun» berri honetara egokitzen ahalegintzen ari dira bertan eta horregatik, konfinamenduagatik ospatu gabeko sakramentuak irailean izango dira.
Joan den larunbatean sendotza izan zen Hernaniko parrokian, eta asteburu honetan jaunartzeak eta bataioak izango dira San Joan Bataiatzailea parrokian. Lehen jaunartzeei dagokienez, larunbatean izango dira eta bi txandatan egingo dira; lehenak 11:00etan eta bigarrenak 12.30etan. Bataioak, aldiz, igandean izango dira guztiak, goizeko 12:00etan.
Katekesian izen ematea, irailaren 14an edo 15ean
Aurtengo katekesian sartzeko izena emateko epea zabalik da. Aurten Lehen Hezkuntzako maila hasi edo 6 urte betetzen duten haurren gurasoei luzatu zaie deialdia. Interesa duenak San Joan parrokiko Elkano kaleko lokalean eman dezake izena, katekesian hasteko.
Datorren astelehenean edo asteartean egongo da katekesian izena emateko aukera. Arratsaldeko 17:00etatik 18:00etara bitartean jasoko dira izen emateak.