Iritsi da 2021eko udal egutegia osatuko duten argazkiak aukeratzeko garaia. Aurtengoan, ez da aurrez aurreko aurkezpenik egongo, Covid-19ak sortutako pandemia dela medio.
Aurtengo gaia, Hernani mugimenduan izango da, «Hernani dabilen herria da, herri dinamikoa, zalantzarik gabe eta hori islatu nahi du egutegiak» jakinarazi du Udalak. Ohiko moduan, 13 argazki hautatuko dira, hilabete bakoitza ilustratzeko bana eta azalekoa, eta horretarako egile bakoitzak 5 argazki aurkez ditzake. Argazki saritu bakoitzak, 40 euroko erosketa txartel bat lortuko du, «herriko sormena eta herriko merkataritza uztartu nahian». Urriaren 16ra arte aurkez daitezke lanak, eta datorren astean martxan izango da argazkiak bidaltzeko, formularioa.