Real Unionek ofizial egin zuen asteburuan Gorka Kijeraren fitxaketa hurrengo bi denboraldietarako. Mirandesen jokatzen zuen aurretik, eta taldeko kapitaina zen hernaniarra. Hala ere, Miranda de Ebrori agur esan behar izan dio, eta datozen bi denboraldientzat behintzat, Real Unionen arituko da Kijera.
Momentu ahaztezinak bizi zituen hernaniarrak Mirandes taldean. Izan ere, futbolaren munduan, protagonista nagusietako bat izan zen Mirandes, aurtengo otsaila aldera. Bigarren mailako talde honek lehenengo mailako talde haundiak txiki bihurtu zituen, eta Kopako semifinalera iritsi zen, Anoetan jokatuta. Kijera bertan izan zen, ezker hegala defendatuz.
Bazituen eskaintza gehiago
Hernaniarrak Bigarren Mailako kluben eskaintzaren bat ere bazuen, Real Unionekoaz gain. Hala ere, 2012/13 denboraldian bertan izan zen, eta talde hau berriro ere defendatzeko apustua egin du. Azken fitxaketa honekin, Real Unionek 21 jokalari ditu jada plantillan.
Aurreko denboraldian 37 partida jokatu zituen; 31 ligan eta sei Kopan. Mirandesen jokalari garrantzitsuenetako bat izan da hernaniarra. Zelai barruan zein kanpoan kapitain eredugarria eta talde barruan zein zaletuen artean oso maitatua izan da.