Aierbek Basque Culinary Centeren ikasi zuen eta egun, sukaldaritzako aholkularia da Florette enpresan. Iruñean egiten du lan, marketing departamentuan. Jatetxe bakoitzak duen perfilaren arabera, gomendioak ematen dizkio bezero bakoitzari, zein produktu eskaini behar duen jakiteko. Floretten barruan, enpresa haundiekin egin du lan: McDonald's, Foster's Hollywood.. baina jatetxe txikiekin ere kontaktua du. Egin duen azken proiektuetako bat IKEArekin izan da. «Enpresakolankideentzat asteroko menua prestatu dugu, elikadura osasuntsua bultzatu nahi dutelako beraiek ere», kontatu du Aierbek.
Zergatik erabaki zenuen Basque Culinary Centeren ikastea?
Hasiera batean ez nuen argi zer egin. Elikagaien teknologia edo nutrizioa interesatzen zitzaizkidan, baina amak Basque Culinary Centerren inguruan hitz egin zidan. Pixka bat saltseatzen nuen sukaldaritzaz gain, beste hainbat aukera zeudela bertan. Espezializaziorako ere irteera asko ditu: sukaldaritza banguardia, alimentazio industria eta ekintzailetza. Elikaduraren inguruan ikasi nahi nuen argi nuenez, aukera ezinhobea iruditu zitzaidan gradu honetan sartzea.
Txikitatik gustatu izan zaizu sukaldatzea?
Etxean beti ama eta amonarekin sukaldatu dugu. Gainera, familiako gozotegiarekin, Adarragarekin, beti izan dut lotura berezi bat. Orduan, bai, egia esan beti izan dut interesa honekin eta betidanik gustatu izan zaidan zerbait da.
Baduzu erreferentik sukaldaritza munduan?
Uste dut etxean sukaldatzen dutenak direla gure erreferenteak: ama, amona... jatetxeren batera joaten beti esaten dugu, ezta? «Nire ama edo amonarena goxoagoa dago!» . Beraiek maitasunez prestatzen dituzten platerak dira niretzat erreferenteak sukaldaritzan.
Zer da garrantzitsua, zure ustetan, sukaldaritzan?
Lehenik, beharrezkoa da afizioa izatea, oso lan sakrifikatua delako. Gainera, iniziatiba baino gehiago, imajinazioa izatea da garrantzitsua. Plater berriak egiteko ezinbestekoa da hori. Sortu egin behar da, bestela beti gauza berdinetan gelditzen garelako.
Orain Floretten egiten duzu lan. Nola iritsi zinen bertara?
Basque Culinary Centeren elikagaien industrian espezializatu nintzen. Argi nuen produktuen kalitatean eta nutrizioan gehiako sakondu nahi nuela eta bi master egin nituen, arlo horietan. Bitarte horretan lanean egon nitzen, ikerketa departamentuan unibertsitateko BBC Innovation zentru teknologikoan eta Ausolan enpresan, Xarma kateringaren barruan, berrikuntza eta garapenean. Bertan nengoela deitu zidaten Florettetik.
Industria arloan asko ikasteko balioko zidan aukera moduan hartu nuen eta bederatzi elkarrizketa egin ostean, bertan hasi nintzen lanean. Garai hartan nuen lana utzi behar izan nuen beste honetan hasteko, baina oso pozik nago, nire saltsan. Orain sukaldaritzako aholkulariaren postua dut eta marketing departamentuaren barruan, proiektu asko egiten ditugu. Batez ere proiektuen garapena, komunikazioa eta restaurazioa eramaten ditugu, nire departamentuan. Eta elikadura osasuntsua bultzatzea dugu helburu proiektu guzti hauekin.
Janari azkarren industrian produktu osasuntsuek kabida dutela uste duzu?
Bai. Esan bezala, restaurazioan egiten dugu lan Floretten eta beste egitekoen artean, jatetxe bakoitzaren demanda zein den aztertzen dugu, kanpoko agentzien laguntzarekin. Eta gure esperientza eta datuen arabera, geroz eta gehiago dira produktu osasuntsuak eskatzen dituzten janari azkarra saltzen duten jatetxeak. Geroz eta demanda gehiago dago. Izan ere, nik uste dut azken bolada honetan konturatzen ari direla jendeak geroz eta gehiago begiratzen duela elikadura osasuntsua: begetal gehiago kontsumitzen dira eta geroz eta osasuntsuagoak diren plateren eskaintza dago.
Gainera, lortutako datuen arabera, konturatu gara jendea gehiago joaten dela produktu osasuntsuak eskaintzen dituzten jatetxeetara. Adibidez, hanburgesak eta horrelako produktuak dituen menu batek produktu osasuntsuak eskaintzen baditu, jende gehiago joango da bertara, janari azkarra eskaintzen duen jatetxe batera baino. Ikusi dugu gaur egun trafiko gehiago sortzen dute menuan plater osasuntsuak dituzten jatetxeek.
Floretten hasi zinenetik, telebistan eta hedabideetan spot-ak egin dituzu, ezta?
Bai, pixkanaka hasi nintzen. Hartu nuen postua nahiko berria da, 4 urte egingo ditu aurten. Enpresak nire aldetik nahi zuena iniziatiba zen, postua landu eta aurrera eramateko. Horregatik, proposamenak egin nituen eta proiektu berri asko atera ditugu komunikazio arloan. Eta horrek eraman gaitu iragarkiak egitera. Enpresak sare sozialetan produktuen merkaturatzerako spot txikiak egitera animatu ninduten eta oso gustora egoten naiz horretan ere.
Orain ere, adibidez, bezero ezberdinekin produktuen merkaturatzerako lanketak ari gara egiten. Prentsa-oharrak ere egiten ditugu eta komunikabideetan presentzia haundia izaten ari gara.
Eta etorkizunean, non egotea gustatuko litzaidake?
Oraintxe bertan dudan lana ez nuke inolaz aldatuko. Nire iritzia kontuan hartzen dutela ikusten dut eta proiektu berriak egiteko eskatzen didate. Orain, adibidez, nutrizio aldetik produktuak hobetzea lantzen rari gara eta proiektu hau lideratzeko hautatu naute. Nigan konfidatza dutela ikusten dut egunerokotasunean eta horregatik, uste dut oraindik bide asko dudala enpresa honetan egiteko.