Bigarren Eskuko azoka gaur egitea erabaki dute arduradunek. Koronabirusagatik joan den hilabetean ez zen ohiko egutegia jarraitu. Horregatik, «konpentsatzeko», gaur egingo dute azoka. Mota askotako produktu, material eta objektuak eskuratzeko aukera izango dute bertaratzen direnek.
«Eguraldi ona egingo du» eta beraz, Urbieta kalean izango da. Adierazi dute, pandemia hasi zenetik aurreko azoketan egin duten moduan, higiene eta segurtasun neurriak beteko dituztela. Hori dela eta, maskarilla jartzea eta segurtasun distantzia mantentzea eskatu diete gerturatuko diren guztiei.
Abuztuan egun bakarra
Gaurkoa kenduta, abuztuan ez da Bigarren Eskuko azoka gehiago antolatuko. Hurrengoak irailean izango dira, «ziurrenik bigarren edo hirugarren astean». Baina diote, «zehazteko dago oraindik». Izan ere, pandemia egoerak galarazi egin du horrelako ekintza eta ekitaldientzat behin-betiko eguna zehaztea. Hala ere, daten inguruan, herritarrak jakinaren gainean izango dituztela esan dute.