Hiru pelikula proiektatuko dira guztira Udako Zinemaldian aurten. Gaur da azken saioa eta finlandiarren txanda da. Kovasikajuttu (Punk Sindromea) filmak emango dio amaiera aurtengo egitarauari. Lurralde ezberdinetako proiekzioak izan dira pelikulak. Gaurkoak 85 minutuko iraupena izango du eta aurrekoak bezala, 22:00etan hasiko da. Gaztelerazko azpititularrak izango ditu, aurreko hiru proiekzioek izan duten modura.
Justizia sozialari, gogoeta
Filmaren protagonista punk talde bat da, ezgaitasun sikikoa duten lau finlandiarrez osatua. Borroka eta oihuka egiten dute, kafea edaten dute, protesta egiten dute eta kontzertuen ostean osasun zentrora itzultzen dira. Ez dira bipolarrak edo eskizofrenikoak: ezgaitasun psikiko latzak dituzten pazienteak dira eta, zailtasunak izanda ere, euren desioak, amodioak, gogoak... adierazi nahi dituzte.
Irudi gordinak agertu arren, anomalitateari bihotzez egindako omenaldi bat da Kovasikajuttu.