Potemkin taldeak antolatu du Vgarren Udako Zinemaldia, aurten ere. Emanaldi guztiak Atsegindegin izango dira eta gaueko 22:00etan hasiko dira. Aurtengo edizioak egun bat gehiago iraungo du eta biharko pelikularekin hasita, guztira hiru film proiektatuko dira.
Islandia, Japon eta Finlandiako ekoizpenak dira. Hiru proiekzioak jatorrizko bertsioan ikusi ahal izango dira, baina gaztelerazko azpitituluekin lagunduta.
Islandiako pelikulak emango dio hasiera zinemaldiari
Prestatutako egutegiaren arabera, bihar izango da aurreneko proiekzioa. Hrútar (ahariak) pelikula proiektatuko dute Atsegindegin. 2015ean egindako islandiar ekoizpena da eta bertan, Islandiako mendialdeko bizimoduaren erretratua egiten da. Gainera, errekonozimendu ugari jaso dituen filma da bihar aurkeztuko dena. Besteen artean, Europar Zinearen Sarietan Film Onenaren Saria izendatu zuten, 2015 urtean.