Luze joan bada ere, azkenean Euskal Herriko 16garren Pala Txapelketa Irekiko finalak gaur jokatuko dira Oiartzunen Madalensoro frontoian. Berandu izanagatik edo, goizean goiz hasiko da gaur jaialdia, 08:15etan, eta lau partidu jokatuko dira guztira. Alde batetik nesken erakustaldi bat eta ondoren hiru maila desberdinetan finalak.
Hernaniko palistak lehendabiziko bi partiduetan ariko dira. Honela, lehendabizikoan, Zurutuza eta Manterola hernaniarrak, Mendigain eta Agirre izango dituzte aurkari. Finalera sailkatzeko hernandez eta Suspe gainditu behar izan zituzten 25-24 partidu oso gogor batean.
Bigarren partiduan Urdangarin eta eta Galdose hernaniarrek, Eizmendi ahizpen aurka jokatuko dute erakustaldiko partidua. Ondoren bigarren eta lehenengo mailako finalak jokatuko dira, baina ez da hernaniarrik egongo. Oiartzungo 38garren Pala Txapelketa ere badira gaurko finalak.
Zarautzen eta Igeldon, 3garren
Hernaniko palistan han eta hemen ari dira jokatzen. Zarautzeko Paleta Txapelketan, Tijero eta Badiola hirugarren salkatu dira eta Igeldon postu berdina lortu dute Gorostegi eta Alkortak.